A damsel in distress

أنا هدخل في الموضوع على طول عشان ما أطولش عليكم

أنا عندي مبدأ و الحمد لله  ماشي بيه من أول سنه في الكليه, و المبدأ ده أنا تبنيته من تاني يوم في الدراسه و هو إن أنا ما أكلمش بنات عموما من غير سبب منطقي أو مقنع, يعني لو هسأل حد سؤال و فيه ولد موجود يبقى مفيش سبب إني أسأل بنت مثلا, و  قيس على كده. بس حصل النهارده موقف غريب و هو إن فيه بنت معانا في الدفعه تعبت النهارده و تقريبا جالها هبوط و البنات اتلموا عليها و فضلوا يساعدوها و كده
طبعا هنا الواحد حس بالذنب إنه مش بيساعد و عامل عبيط من اﻷخر بس أنا كل أما كنت أحاول أشوف حد بشجعني و يقدم يد المساعده معايا كان كلهم بلا  استثناء بيقول إن البنات هتعرف تتعامل و خصوصا لوجود شخصيات بينهم مشهود لها بقوه الشخصيه و "الرجاله" شافت إنها هاتعرف تتعامل هي و البنات و هيجيبوا عصير و الذي منه
طبعا ده كان في رأيي عذر أقبح من ذنب, بس للأسف أنا ماعملتش حاجه,  رغم إني مش عارف أنا كان ممكن أعمل إيه أكتر من إني أطلب اﻹسعاف, بس أنا  عارف إن الإناث عموما في الحالات اللي زي دي بتبقى مرتبكه لطغيان العاطفه و الخوف على التفكير, و أنا متأكد من الكلام ده ﻷني شوفته بعيني قبل كده لما شوفت والدتي يوم لما أختي تعبت كانت عامله ازاي و كانت بتعيط إزاي, و انتم لو تعرفوا "مامي" تعرفوا قد إيه شخصيتها قويه و قادره على تحمل المسئوليه و ده من زمان أوي و تقريبا ده اللي خلاني "شخصيه ثوريه"  دايما و ضد النظام و ما بسمعش الكلام إلا اللي يدخل مزاجي  و طبعا أنا كنت القائد المغوار اللي بيجري يجيب التاكسي و يحجز عند الدكتور و يجيب التحاليل و يحجز المستشفى و كده
أنا: أنا راجل البيت هععععع
أختي: إنت شمعتنا إنت نور بيتنا
مامي: ربنا يخليك ليا
أنا: ويخليني لكي
:p
بس الشاهد من الموضوع هو إن  مهما حصل , وجود العنصر "الرجولي" بيعطي نوع من اﻹطمئنان و دي حاجه ما تعيبش الإناث
بعد ما خرجت من المعمل و كان أغلب "الرجاله" مكسوفين يخرجوا لنفس السبب
أيون أنا فضحتكوا
وقفت بره شويه , وحسيت ان اتبصلي بصه, أنا ترجمتها إنها نظره عتاب
و بعد ما لومت نفسي شويه و أنا مروح  افتكرت قصه سيدنا موسى
"قال ما خطبكما"
ثم
"فسقى لهما"
الموضوع سهل أهو و  مفيهوش أي مشاكل, و بكل أدب  و احترام
إذن فهنا الواحد المفروض يكون عنده نوع من الشجاعه اﻷدبيه "اللي مش عارف هي إيه دي , بس هي لازم تكون موجوده" و يعترف إنه تعامل مع الموقف بطريقه غير مناسبه, خصوصا إن الواحد قرر من زمان إنه مش هيكون سلبي و لازم  يضع بصمته
إذن إن شاء الله بعد كده المفروض ردود اﻷفعال تكون مختلفه و تكون تتسم بسمات الرجال, و الله الموفق و المستعان

ما بعد الثوره

بعد شعور طويل بالذنب و أنا عند الحلاق يوم الخميس ﻷن مشاركتي في الثوره كانت أقل مما ينبغي (في رأيي) فقررت إني أنزل في مظاهرات يوم الجمعه 11-2-2011 و كانت أكبر مظاهره اشتركت فيها لحد دلوقتي و دمياط كان فيها أكتر من 200,000 متظاهر زي ما الجزيره كانت بتقول و طلعنا في التليفزيون و في اﻷخبار, و طبعا لفينا دمياط كلها (اللي هيا أساسا حته قد كده) (و الحمد لله, رغم كل المشي ده ما كنتش بعرج, غالبا الروح المعنويه لها دور) و كان شعور رائع باﻹنجاز و كنت قررت أنا و الجيار إننا نروح ميدان التحرير و أعددنا العده و بعدها نفاجأ إن مبارك يتنحي عن السلطه, و تعم مصر اﻹحتفالات أكتر من أيام أما أخدنا كاس أفريقيا 200 مره, و الناس ماشيه في الشارع تغني أغاني وطنيه, و تبص في وش الناس تحس إن في بسمه مرسومه عليها و السعاده هتنط من عنيهم, و الروح المعنويه للشعب مرتفعه جدا لدرجه عمر ما حد كان يتوقعها, و دلوقتي اتكتبت في سجلات التاريخ ثوره قام بها شباب الفيس بوك و هي اﻷولى من نوعها في العالم و تظل مصر صانعه التاريخ.ء

و من أظرف ما شفت بعد الثوره هو اليافطه اللي مكتوب عليها "ارجع يا مبارك, كنا بنهزر معاك " و عليها إمضاء الكاميرا الخفيه

الشعب المصري دايما دايما يدخل الفكاهه في كل حاجه سواء في الحزن أو في الفرح

و أكتر حاجه زعلتني إنهم كل أما ييجي محافظ كويس في دمياط يشيلوه  و بجيبوا حد تاني مكانه, زي عبد العظيم وزير لما خلى دمياط تتظبط و شكلها بقى حلو خلوه محافظ القاهره, و بعديه البرادعي (قريب البرادعي بتاع التغيير) اللي تولى المحافظه بعده شالوه دلوقتي و خلوه وزير اﻹسكان في الوزاره الجديده, و جابوا واحد كل دمياط بتدعي عليه عشان مش راضى يعطي العمال تعويض البطاله و بيقولهم انتوا شعب غني

تبا له, اهو كان هيتسبب في قتل نفسه

-------

كل اللي الواحد شافه من الحاجات اللي كانت بتتسرق من مصر و الظلم اللي كان واقع على الشعب المصري كانت حاجات تحرق الدم و لا تزال القضايا مفتوحه و إن شاء الله ستعود جميع حقوق الشعب المصري المسلوبه و أمواله المسروقه, و اللي تخليك تتسائل , كل المليارات المسروقه دي كانوا ممكن يغيروا مصر إزاي؟ طب اللي سرقوها كانوا بيعملوبها إيه؟! يعني كانوا بياكلوا أكتر من 3 وجبات في اليوم, ولا بيلبسوا كل يوم بدله جديده؟؟

------

أيا كان عشان بس ما أطولش عليكم كالعاده هدخل في الموضوع

------

______________________________________

ماذا تعلمنا من ثوره 25 يناير؟

-------------------------------

المصري روحه المعنويه ارتفعت و بقى حاسس بقيمته و كيانه

المصريين دائما هم صانعوا التاريخ

الثوره بتاعتنا هي اﻷولي من نوعها و اﻷكبر في العالم حتي اﻷن

و سبحان الله هي الثوره اﻷكثر تنظيما و اﻷكثر سلميه و بدون قائد

احنا كنا مخدوعين في مبارك

الظلم دايما نهايته وحشه و دايما ربنا بيقتص للمظلومين من ظالمهم

و إن مش فاهم روح اقرا تاريخ كويس

المصريين خلصوا ثورتهم و حققوا مطلبهم اﻷشد صعوبه في وقت أقل من تونس

مع احترامي لشعب تونس

العالم كله كان مترقب و متابع للأحداث في مصر أكتر من تونس

و ده يدل على أهميه مصر

إسرائيل مرعوبه من المصريين و ده باين من التصريحات اللي كل شويه بيعملوها

يعني كل الفساد و الضياع اللي حاولوا يعملوه في الشباب المصري اتقلب عليهم دلوقتي

العالم كله هيعمل ألف حساب لمصر و للمصريين بعد كده

ناس كتير كروتها اتحرقت في الثوره و بانت نواياهم و دماغهم التعبانه

زي أيمن نور, و البرادعي , وتامر حسني و طلعت زكريا و أحمد بدير و التليفزيون المصري و غيرهم كتير

السبب اللي كان موقف حال البلد مش الناس اللي في التحرير, ﻷ

السبب هو البلطجية اللي هربوا من السجن تحت عين الشرطه

كل واحد نزل  الشارع في لجنه شعبيه اتعرف على جيرانه اللي كان بالكتير بيقولهم السلام عليكم

طبعا الشارع عندنا كله يعرف بعضه إلا إنا بس الحمد لله عرفنا بعض و كنا بنمشي نعمل دوريات في الشوارع مع بعض

الناس كلها عندها في البيت أسلحه, تقريبا كل الناس اللي في دمياط عندهم سيوف

و اللي معندوش سيف, أخد امطه أو مبرد من الورشه و راح للحداد عملها سيف

الأمطه (القمطه, القامطه) هي أداه يستعملها النجارين لتثبيت الخشب في بعضه

بس أنا كنت بنزل بالمنشاكو بتاعي

فيه روح عاليه أوي بين المصريين و حب للخير و كان ظاهر في ميدان التحرير و اللجان الشعبيه

المصريين كانوا مفكرين نفسهم ضعفاء بس ثبتلهم عكس ذلك و هما بيثبتوا البوكس و بيفتشوا عربيات الشرطه في الكماين الشعبيه

كان ناقص يدوهم مخالفه عشان مش لابسين الحزام

إن المصريين إيد واحده مسلم و مسيحي

إن الشعب المصري أثبت إنه مش سلبي و إنه لما بيقوم ما يوقفوش لا بوليس و لا رصاص و لا قنابل

إن الشباب المصري كان عكس كل التوقعات و طلع أكثر رقيا مما كان يظهر على مصر

إن الفيس بوك سلاح ذو حدين و ممكن يستعمل في كلا الاتجاهين

و حاجات كتير صعب إن الواحد يحصرها هنا

__________________________________________

بس المهم دلوقتي: ماذا بعد الثوره؟

يعني نعمل إيه دلوقتي؟

----------------------

زي ما كل الناس بتقول

ما نرميش زباله في الشارع تاني

ما نعطيش الموظفين رشاوي تاني

ما نسكتش على حقنا تاني

نقف للظلم في كل مكان

الساكت عن الحق شيطان أخرس

بس اللي أنا شايفه أهم من ده كله هو أن الواحد لازم يبدأ يشتغل و يشتغل و يشتغل على رأي دكتور هشام المنجي

مصر لسه قدامها كتير مش هنحقق كل أحلامنا إلا لما نشتغل و نتعب عشانها

و ما نيل المطالب بالتمني و لكن تؤخذ الدنيا غلابا

و اللي بيفكر يسافر يعيد التفكير, ايه اللي ممكن يقدم للبلد لو ما لم يسافر, و ازاي ممكن يحقق أحلامه و طموحاته في مصر و يخليها فعلا جنه

إللي مش لاقي شغل يدور تاني و تالت و رابع, و ياكل الظلط عشان يضيف حاجه لبلده و يحس بوجوده

لازم بعد كده كله يشارك في الانتخابات

كل واحد فينا لازم يبقى إيجابي و يحاول يغير المجتمع اللي حواليه للأحسن و يوسع دايره تأثيره و يفعَلها

و في اﻵخر أحب أفكركم زي ما دايما بعمل

إن الله لا يغير ما بقوم حتى يغيروا ما بأنفسهم

و أكيد كلنا شفنا تأثير اﻵيه دي و إن المصري الحقيقي ظهر لما بطل يخاف و يقول خليني أربي العيال و إن إزاي ربنا عوض صبرنا خير

و أخيرا أقول لكم

أراكم في الجنه مع شهداء ثورتنا التاريخيه

المراه نصف المجتمع

من فتره مش قريبه كنت قرأت حاجه على النت مش فاكر فين, ان في ما معناه ان الواحد عشان يحس بنعمه ربنا عليه, و عشان يحس بالناس اللي حواليه يجرب يقعد مع حد عمره أكبر من 70 سنه و برضه يجرب يقعد مع حد عمره أقل من 5 سنين. أو ده اللي انا فاكره .....ء

أنا كنت دايما لما بروح بلدي لازم أزور جدتي (الله يرحمها) على اﻷقل مره واحده في اليومين اللي بكون فيهم في البيت, و كنا تقريبا بنتكلم دايما في نفس المواضيع, الدنيا و اللي بيحصل فيها, اﻷسعار دلوقتي و زمان, ازاي تعمل زبادي و جبنه في البيت, الحياه ما قبل التلاجه و أخيرا و ليس

آخرا السياسه و اللي الوزراء بيقولوه و بيعملوه

على قد ما المواضيع مكانتش مفيده أوي , بس هي (الله يرحمها ) كانت بتبقى مبسوطه لما بتشوفني و دايما كانت تقوللي "انت جيت امتى؟ " و كده يعني

و كانت العاده اننا يوم الخميس العيله كلها تجتمع عند جدتي يوم الخميس لبعد نص الليل و لو رحت هناك تبقى زي ما تكون شفت العيله كلها تقريبا, فغالبا ده كان السبب اني ما بروحش ازور خالاتي في بيوتهم

بس لما جدتي (الله يرحمها) توفت , العيله ما بقتش تتجمع زي اﻷول , و عليه فأنا كنت قررت اني لما أروح بيتنا أبقى أزور خالاتي كلهم يوم الجمعه

و كذلك فعلت

بعد ما رحت لخالتي الصغيره, و هي عتدها بنوته صغيره اسمها مريم فضلت ألعب معاها حوالي ساعتين و كانت مامتها (كعادت كل الستات الدمايطه يوم الجمعه) بتنفض البيت بجانب انها بتطبخ

بعد ما بدأت ألعب معاها شويه ( و انا أساسا ما بعرفش ألعب مع العيال , فبحاول أعلمهم أي حاجه) لقيت نفسي مليت و تعبت من تكرار نفس الحاجه 5000000000 مره بدون أي تغيير و سبحان الله, اﻷطفال دول ما بيزهقوش من التكرار, و ما كنتش متخيل اني أعيش في الحياه دي طول اليوم و كل يوم

و الموضوع ده فكرني بمره بس من كام شهر كنت عند نفس الخاله برضه و كنت بحاول أأكل مريم ( مانجو ,مانجه) منجه(أكيد ده كان في موسم المنجه) و كانت حاجه من أصعب الحاجات اللي مرت عليا قبل كده, لغايه ما توصلت لحل و هو اني أكل حته من المانجه و أقول لها "جميل" تقوم مريم تاكل حته من المانجه و تقوللي بصيغه سؤال "جميل؟" و طبعا أنا أرد "جميل" و اديها حته كمان و تقول "جميل؟" و ارد وهكذا, و كانت مانجايه ما يعلم بها إلا ربنا , و بعد 45 دقيقه تقريبا كنا خلصنا نص المانجايه و تقريبا قلت كلمه جميل كتييييييييييييييييييييييييييييييييييييييييير اوي اوي اوي

بس كنت كل مره بقولها كنت بقولها و أنا بضحك ﻷني كنت ساعتها افتكرت فيديو عن قصه مماثله لواحد و ابنه بس الراجل كان بيسأل ابنه "ايه ده؟" و ابنه يقول"عصفوره" كذا مره لغايه ما اﻹبن اتخنق على ابوه الراجل العجوز, فأبوه راح جاب مذكراته الل من أيام ما كان ابنه لسه صغير و كان نفس الموقف بس بالعكس (الولد هو اللي بيسأل اﻷب) و أبوه كان كل مره يقوله عصفوره و يضحك في وشه و يبوسه

الفيديوهين اللي جايين دول حوالي 5 دقائق من ال ساعتين اللي قعدتهم مع مريم امبارح و إليكم ما حدث

طبعا أنا ماكنتش فاهم أي حاجه من اللي بيتقال بس زي ما علمتني خبرتي القليله في الحياه ان لما تكون بتتكلم مع أنثى, ايا كان عمرها يكفي ان تقول اه, اوه, أيوه هممم و ما شابه و ده تقريبا أحسن حل توصل له الرجاله و فعال 90% و دي نسبه حلوه على ما أعتقد

و لما روحت لخاله تانيه برضه و كان برضه عندها بنوته صغيره إسمها أمينه (على اسم جدتي الله يرحمها) و قعدت ألعب معاها برضه و بنفس الطريقه, بس الموبايل كان فاصل شحن فمصورتهاش, بس أخدتها عند الكمبيوتر بتاع اخواتها و قعدت أفرجها على جووجل و على صوره القطه و العصفوره و الورده و اﻷسد و أعلمها أسمائهم (و كانت بتقول )على اﻷسد "أيد" و هكذا في كل اﻷسماء كانت بايظه, و ماكنتش فاهم منها أي حاجه برضه, بس هي كانت فرحانه و هي بتشوف صور على الكمبيوتر, و كل ما تقول اسم حاجه صح أديها بوسه

(بس للأسف ده ما بينفعش اللا مع العيال الصغيره, لو قلت لواحده كبيره لو قلتيلى إيه اللي في الصوره و أديكي بوسه , هتلاقي 4 صوابع معلمه على وش سيادتك)

المهم, بعد ما روحت البيت قعدت أتكلم مع والدتي في الموضوع بتاع العيال الصعيره, و ازاي أمهاتهم بتستحمل الجو ده و انهم بيتعاملوا مع "غير ذي عقل " على رأي الشيخ الشعراوي , فقالتلي انهم مش كده و بس , ﻷ ده اﻷمهات الصح تلاقيها بتحب الحاجات دي من أولادها

وصلنا في اﻷخر ان اﻷمهات عليهم مسؤليه كبيره جدا, و صعبه جدا , و هي مش مجرد تأكيل العيال و تغيير هدومهم, ﻷ دي مهمتهم أكبر و أهم من كده بكتير و هي انهم يربوا و يعلموا أولادهم كل الحاجات اللي ممكن تقابلهم في حياتهم و تربي نشئ صالح ينفع نفسه و غيره و هي بتعمل كده من اﻷلف للياء, من أول تعليم الكلام , لحد تعليم السكوت

و طول مرحله التربيه و التعليم دول لازم تستحمل قله معرفه الإنسان اللي هي بتربيه, وتصرفاته الغريبه عن المألوف اللي ممكن تكون ممله للناس العاديه, و أكتر من كده بكتير, بس الكلمات لم تسعفني إلا بالحبه دول

وعليه ف لازم الراجل مننا يحترم المرأه و يقدرها و يحترم وظيفتها اللي ربنا خلقها عشان تقوم بيها , و ان وظيفه الراجل انه يعمر اﻷرض

و في اﻷخر لما تقول ان المرأه نصف المجتمع , فخليك فاكر انها أم النص اﻷخر , و هي اللي بتعلمه ازاي يعمر اﻷرض و ان بصلاح المرأه تصلح اﻷمه, و بفساد المرأه تفسد الأمه

A train of Impulses....

Only a big "O" could describe what happened today in the DSP Exam.

النهارده كان يوم من الأيام اياها, اللي بتبدأ بصداع, و تنتهي بصويت. كان النهارده المفروض عندي امتحان ماده اسمها "خوارزميات معالجه و نقل اﻹشارات" و الماده دي معايا من زمان
و كالعاده المذاكره ما بتبدأش إللا بعد نص الليل ليله الامتحان, و انا كنت بحاول استعد لها عشان دي تعتبر أخر ماده لها وزن الترم ده عندي, ف عمك بيتهوفن بدأ يلعب في ودني, و تلاه فيفالدي و ده طبعا ﻹثاره الحماس و النشاط "بس طبعا دي حاجه انا ما انصحش حد بيها" و بس يا سيدي

أنا فاكر ان تقريبا كل الناس قالولي "اقرأ المحاضرات و حل الشيتات و انتا هتبقى في التمام" و كذلك فعلت, بعد فتره كان كل حاجه واضحه, المنهج سهل زياده عن اللزوم(بالنسبه ﻷنه اول مره يتفتح) و قعدت (على مستوى القاعده) اذاكر حاجه اسمها "نظريه المعلومات" او "انفورميشن ثيوري" و سبحان الله فهمت! و الساعه 7:30 الصبح دخلت انام عشان اصحي على 10:30 و استعد للإمتحان
واحد صاحبي "ياسر" ربنا يستره و يجوزه يا رب جه و صحاني زي ما كان متفق معايا, و استعديت و روحت اﻹمتحان بدري, و دي حاجه ما بعملهاش كتير في الامتحانات

بعد ما قعدت (على مستوي القاعده) في مكاني و كتبت اسمي على ورقه اﻷسئله, أفاجأ بالمراقب جايبلي خير اللهم اجعله خير ملزمه ورق, بعد ما فتحتها عرفت انها ورق اﻹمتحان , 9 ورقات, و واحده منهم للأمانه كان فيها ال "زد ترانسفورم" و (اه, هو اسمه كده) و في الباقي 9 اسئله
بعد ما قلبت الورقه اكتشفت ان اللي انا ذاكرته لا يؤهلني اني احل 1% من الامتحان, و شوفت حاجات اول مره اشوفها, رغم انني حليت كل الشيتات في الماده دي بس ولا حاجه من ها جه في الامتحان

و طبعا ده كان معناه حاجه من اتنين
1-اني اروح بيتنا
2-اني احل على طريقه (Finite State Automata )

و عليه فقد وفع الاختيار على الاختيار الثاني

"ده انا حليت حل"

كل شويه الاقي الناس عماله تسأل الدكتور في حاجات و انا كان نفسي اسأله برضه, بس هو مكانش بيبص ناحيتي خالص, و لما بيعدي جنبي بيعمل اني مش موجود
"its ok by me"
انا بس كنت عايز أسأله في حاجات بسيطه

1-هي دي ماده ايه؟
2-انا اسمي مكتوب؟
3-هو ليه فيه درس مشروح في ورقه اﻷسئله, و المفروض اني انا افهمه و احل عليه, على الرغم انه مش في المنهج؟
4-انت مبتجيش ليه؟
5-مش تبقى تيجي؟

و طول الامتحان عمال اعمل نظريات على غرار نظريه الكهربا الصاعقه اللي في الموبايل بتاعت تامر حسني

و بعد الامتحان ما خلص " و الدكتور ادانا 20 دقيقه زياده عشان كان واضح ان الناس مش عارفه تعمل حاجه"

طول الامتحان كعادتي اقعد(على مستوى القاعده) اتصفح الوجوه اللي معايا في الامتحان و اشوف ردود الافعال و هي بتنحصر في الاتي

واحد تلاقيه قاعد يهرش في راسه على امل انه يلاقيها
واحد تاني يكون لفاها و وشه زي ما يكون هاينط و يقول يوريكا
واحد تالت شكله قاعد يكلم نفسه و يقول: انا مش قصير ازعه, انا طويل و اهبل
و ساعات بتلاقي تجميعات من التفاعلات دي مع بعض,و غيرها كتير

المهم بعد اللجنه الدكتور لم ورق الاجابه و ورق الاسئله مع بعض! و ده طبعا عشان يفضل يحط نفس الامتحان كل سنه من غير تغير
بعد ما خرجت لقيت ان مش انا لوحدي اللي كان متفاجئ من الامتحان, ﻷ ده كان كل الناس كده تقريبا, و عليه فده بشره خير

طب كل الرغي ده لازمته ايه؟؟

لو جاتلك الفرصه تختار المنهج اللي تمتحن فيه سواء كان القديم او الجديد , ما تعملش فيها عنتر و تروح لمنهج ما تعرفش عنه حاجه(المنهج اللي تعرفه احسن من المنهج اللي ما تعرفوش) , و لا تعرف اسلوب الدكتور الجديد(الدكتور اللي تعرفه احسن من الدكتور اللي ما تعرفوش) , خصوصا لو دي كانت اول مره يدرس فيها الماده دي, و بالأخص لو كانت دي اول تجربه ليه في التدريس. و ده طبعا عشان بيبقى دمه لسه حامي و عايز ينضف العقول الزنخه بتاعت الناس الحلوه كلها و انا و انتا و رقصني يا
جدع

POV

"kotb affected this post (one way or another)"

--------------------------------------------------------------

As much as I had to say this time but really its like everything is wiped out and nothing is left any more.

--------------------------------------------------------------

Starting with accidents that I've witnessed in the past 24 hours :(

after finishing a 3 minuets call to my mom after the Esha prayer (around 6:50 pm) yesterday I noticed a crowd in the middle of the Cornish street; it was on the other side between the 2 tunnels of "Shatby" and "camp Cesar", exactly in the middle, so I choose to go to the camp Cesar tunnel although the accident that the crowd was all around was 20 meters away.

along the way to the tunnel I was thinking of crossing the street, I even tried a few times, but it was impossible, coming to think of it now it seems really stupid as I usually say that the only right way to cross the street is through the tunnel. so after I reached the accident location the ambulance had already arrived and they were carrying a young girl (maybe 18-21), although she was not harmed (as there were no breaking in her body, but maybe in her rips), but she was screaming in agony.

She was lucky as the car that hit her was a small one that it would hardly harm any one, but some people just don't learn easily (I know from experience, "who he was burned from soup, shall blow in yogurt").

--- --- --- --- --- --- ---

Today at 4:00 am I was getting ready to go to sleep when I heard that awful sound of an accident.

I ran to get my keys and went out to see this car flipped up-side-down, some shattered glass on the street and some people crowding the place and others running to the scene. Although no one was hurt significantly but none of the people around caused the accident, It was some one in a "Verna" car who every one found guilty of the act.

After people flipped the car back and removed the battery (don't know why, YET), they moved the car to a side street then every one went home. Every one probably think that the "Verna" driver was drunk or "high" for pulling a stunt like the one he did -it is really very stupid to just stop in the middle of a highway- but he is gone now, and no one will probably identify him so, lucky him :( .

--- --- --- --- --- --- ---

Today also but around 4:00 pm I got bored from reading the book that seems not to be going to end soon (it has been over 2 months now and I've barely passed half of it), I noticed that every one on the bus (I was on my way home) was looking through the bus windows, I only saw 2 ambulances on the side of the freeway we were on, a damaged car on the dirt beside the freeway and two paramedics closing a body bag.

---------------------------------------------------------

I'm not going to comment on these accidents because I already did before, but maybe it would make people think straight next time they cross the road or try to pass a car on the freeway or even increase their car's speed.

---------------------------------------------------------

Another reason which is not very remotely connected to these type of subjects is something that some of you (who ever you are) might find strange.

A few weeks ago I applied for my college student ID, the strangest thing is that they take your recite, so there is no way you can prove that you payed the expenses, but this is not the issue I'm talking about here, no, Its that every time I go to see whether I can get my ID (and it took me about 6 visits in 3 weeks ) I find the IDs that are ready not ordered by any means, not by name or department or any thing, only they separated 3rd year from 4th year IDs.

I don't know what got in to me that made me try to organize them by department.

It wasn't really a problem, just instead of checking every one to see if it's mine then through it back randomly to the box, I just return them in different stacks based on the department (a little OCD stuff, I know, can't help it :(, but on the way to normal "some day hopefully").

Although it doesn't take extra time to do, but no one does it. every time I come back they are unordered again, so I do it over and over for about 4 times out of the 6, but then I realized that it never works. Although I don't know why (It was really obvious that they were ordered by department) but I came to the point of giving up.

----------------------------------------------------------

At some other time last week I was trying to do my military college training, I went there 3 times and every time the same thing, a big crowd of student who have absolutely no reason for standing there and creating a crowd but this is the way things are.

At the third time when I actually managed to enter the building with 15 students paper (which was the max required by a student to enter with, like an ambassador of the others whom that student usually doesn't know ). every student in the queue had about 15 different students paper so there is no reason for these 15 students to be around the queue, but strangely every student in the queue was surrounded with 15 students who's papers he has. It was a massacre.

Every time I go, and every 5 minuets I try to convince the students that are making the unnecessary crowd to go away and that would make things a lot easer, but all my efforts were in vain.

I've tried to do it before about 3 times in the past 2 years but was to lazy to go. they usually close at 2:00 pm, but they told us they will close at 12:00 pm. when I was inside I found out that they do that on purpose, just because they want to leave work early :( . this is just sad.

-----------------------------------------------------------------

OK, what was that all about man, we don't get it? you might ask!

Well, people look like they only think of themselves ( I I I I I I I I I, ME ME ME ME ME ME),

people think that doing the right thing is not the default, no, doing the wrong is the default and doing the right is an extra that you just don't have to do it.

Every one of the past few problems has a very easy to implement solution, but we are just used to chaos, It is easier to do things the wrong way, but who ever does that doesn't have a clue of its effect on the society, or maybe they just don't care which is even worse.

Believe me, the solutions are very simple but we are too lazy to implement them.

We used to stand in queues back in school, then why didn't we use the same organized way in our every day life. probably we didn't understand that a queue is the best way to solve conflicts and ensure equality in opportunity. We learned all kind of rules in school whether it was from religion or history or social studies, but I think all we really learned was that these rules are like fences that surround you, and to be free you must break free from that prison. We didn't understand that there rules were made to keep us safe and to save our rights, like the driver who refuses to wear his seat belt, but if only he could understand that its for his own protection, he would most probably do it willingly, not because there is an officer around.

-------------------------------------------

I only say all of this because I've decided not to give in again, and I don't want you too to give in. If you can sort the IDs, then do it, it might save someone some precious time that they really need, If you can advise someone then don't hesitate because I wont, I'll do it once, twice, I'll do it as many times as I could.

maybe If it would make someone else think about doing the right thing (the absolute right), not just the right thing for their advantage.

This is how I think I can make a difference.

-----------------------------------------

motivated by Sallam :XXXXD

من زمان ما كتبتش حاجه , و بعض اﻷصدقاء "سلام" ألحوا عليا الحاح شديد , لدرجه انهم كانوا هيبوسوا ايدي عشان اكتب حاجه جديده

هم: الحقنه, فين الحقنه

أنا: خد يا زلفي

البوست اللي فات كان مش واضح للكثيرين و ده كان باين من ال أوف لاين كومنتس اللي اتقالتلي لدرجه اني احتاجت اشرح الموضوع لبعض الناس "اسلام" و قعدنا نتناقش في المواضيع كلها اللي انا اساسا كان الغرض اﻷساسي اني ما أناقشهاش عشان يفضل رأيي من دماغي و مش متأثر بكلام حد, و كمان أنا انسان مجادل بطبعي و الحاجه الوحيده اللي تخليني اتنازل في نقاش هي اني ألاقي سبب منطقي بالنسبه لي يمنعني من اني اكمل و ده فكرني باليوم اللي كنت بأتناقش مع دكتور عندنا في الكليه في موضوع موقع الكليه و موقع القسم, في لحظه من اللحظات كان واضح انه مش هيتنازل و بدأ هجوم شخصي عليا خصوصا انه فكر اني مش بستعمل الموقع ﻷني من موافق عليه

,"هو غلطان, اي جست دونت جف أ دام"

بس ساعتها افتكرت اليوم اللي انا و قطب اللي كان معانا في النقاش اننا في مره قبلها كلمناه انا و هو في نفس الموضوع و وصلت في الاخر لنفس النتيجه (جدال لمجرد الجدال) و عليه ف بمبدأ شعره معاويه سكت "رغم ان كان عندي قنابل" بس مش موضوعنا, انا اساسا لو كنت اتكلمت اكتر كنت اكيد مش هستحمل العواقب (ده عارف اسمي و رقم جلوسي يا عم) , المهم ان الموضوع اللي مكانش واضح هو و بكل بساطه الدين و السياسه

ذات از ات

انا كنا قلت من صغري رأيي من دماغي و باخد قراراتي بناء علي تحليل مفصل و كامل لجميع الجوانب , بس الجوانب اليومين دول كلها لخبطه, و اﻷسف ان الواحد معندوش خلفيه تساعده و اي كلمه قد تبدو مقنعه في وقت ممكن تبقي غير منطقيه بالمره في وقت تانيو ده في كلا الموضوعين و ده بيعتمد علي حاله الانسان ساعتها و على اللي بيكلمه و قوه اقناعه مش قوه منطقه, و عليه فقد قررت مجموعه من القرارات في الموضوعات دي بس تنفيذها مش وقته دلوقتي , بس هانت

------

المهم, انهارده الجمعه 10 ديسمبر . انا كنت مستني اليوم ده بفارغ الصبر ﻷن كان فيه ناس بتتكلم عاى النت عن عصيان مدني جماعي في كل المحافظات و هينتهي بإقاله الريس و الحكومه و تعيين حكومه جديده ! كل ده كلام زي الفل بس الناس دي طلعوا عيال و رجعوا في كلامهم و لا حد عمل حاجه الراجل اللي بيقول انه "المقدم أيمن أحمد سالم ال" اللي ناشر حجات علي النت قفل الموقع بتاعه زي ما قال و لا عاد حد سمع حاجه عن الموضوع, بعد الصلاه قعدت على النت ادور على اي حاجه عن الموضوع عصيان مدني , مظاهره , تجمع , فرح او حتى طهور ما شفتش حاجه, كل اللي اكتشفته ان فيه كذا جروب علي الفيس بوك قرروا انهم يعملوا مظاهره الاسبوه الجاي , و غيرهم اللي بعده , ﻷ و الاحسن من كده فيه ناس اتفقت تعمل مظاهره الاسبوع اللي فات! بس يظهر ان انا كنت نايم, المهم طلع كله كلام في كلامو و يظهر انه معاد اسبوعي "هنتلم بعد صلاه الجمعه نعمل مظاهره و بعدين نروح نشوف الماتش" و لكن يبقي الوضع على ما هوعليه. و بما ان انا كنت قررت اني مش هكتب علي البلوج ده حاجه في السياسه فهنا نتوقف عن هذا الموضوع

-----

أما بالنسبه للحاجات اللي انا شوفتها النهارده اني و انا رايح الجامع و ماشي من علي البحر "من ناحيه البيوت" شوفت حاجات عجيبه شوفت خير اللهم اجعله خير "كابلز" ماشيين علي البحر "ساعه الصلاه" و ممكن تقوللي انهم مسيحيين او اجانب , بس الايشارب ما بيقولش كده

طب لو هي مفكره انها كده بتجر رجله عشان ممكن يتجوزها , طب ازاي تثق انه هيصونها اذا كان هو ساعه صلاه الجمعه سايب الصلاه و قاعد يتمشى معاها علي البحر

تقوللي ممكن يكون خطيبها, اقولك ايه يعني, نفس الشئ برضه

طب هو راجل و ممكن يخرج في اي وقت عادي هي خارجه في يوم اجازه ساعه الضهر بحجه ايه ,"بتاخد حمام شمس و لا بتعمل تان" و اللي في البيت عندها يا تري عارفين

و المشكله انهم مش واحد و لا اتنين, ﻷ دول كتير

و هنا أقول كما قال القائل: اذا كان رب البيت بالدف ضارب, فسيمه باقي اهل البيت الرقص

ماهو السيد الوالد اللي سايبها تنزل بالبنطلون"المدهون على جسمها" هو السبب, ممكن تكون مراته "امها" ضغطت عليه بحجه ان البت عايزنها تتجوز (منطق غريب و متخلف, ما ينفعش حتي يتقال عليه منطق) بس اذا هو اقتنع فده معناه انه فقد جزء كبير من رجولته و بقي ديوث و راضي ان بنته تشوفها كل عين, و ان كانت اﻷم موافقه و اﻷب مش موافق و البنت بتخرج كده من ورا ابوها, او ان كان مافيش أب ف كده برضه المشكله هو اللي عملها حتي لو مات ﻷن كده هو بيعق أبنائه ﻷنه لم يختار لهم اﻷم الكويسه اللي ترعاهم و تعلمهم

و ان كانت البنت هي اللي مش تمام و ماشيه علي حل شعرها و أهلها مش موافقين على اللي هيا بتعمله, ففيه حلول كتير اوي و على جميع الدرجات ابتداءا من اللين و انتهاءا بالشده

و فيه حاجه تانيه شوفتها "هما 50 متر اللي مشيتهم و شوفت فيهم عجب العجاب" كافيتيريا مشغله بنات جرسونات و لبسهم عيب عيب جدا, من نوع البنطلون المدهون برضه, و مش كافيتريا واحده , ﻷ كتير

و بعد التحدث مع بعض الجيران في الموضوع قالولي انهم كلموا صاحب الكافيتيريا اللي جنبنا في الموضوع ده فقالهم ان البنات دي فاتحه بيوت و هو مش عايز يقفل البيوت دي

نووو كومنت

---------

موضوع اخر يصب في نفس الترعه دي و هو الكوره

انا مش من مشجعي الكوره, انا اهلاوي اسما بس دي حاجه ملهاش اي معنى عندي , عمري ما قعدت اشوف ماتش للاخر اللا عشان اللمه بتاعت اﻷصحاب, و عمري ما اهتميت اشوف التحليل الفني ﻷي ماتش او اي حاجه من دي "بكل بساطه: ملهاش لازمه" و التليفزيون عندنا في الشقه كان مش شغال من قبل العيد

كان واحد ابن حلال ماشي يقطع اﻷسلاك اللي بره على الحيطه و منهم بتاعنا رغم انه دش مش وصله , بس حرب الوصلات ما بتفرقش بين دش و وصله

المهم الناس اللي معايا في الشقه قرروا انهم هيصلحوا السلك و فعلا صلحوه, و من ساعتها التليفزيون ما بيتحولش من عبى القنوات الرياضيه اللا على القنوات الرياضيه, ماتش هنا و تحليل فني هنا, و تيجي تكلم الناس يقولولك ان دي حاجه بتبسطهم زي الهوايه , حتي فيه بعض الناس اتجرأت و شبهتها بحبي لممارسه الرياضه و لكن هيهات

انا ممكن العب كوره لكن اتفرج عليها ده مش اسمه رياضه

و تيجي تسأل الواحد من دول تلاقيه حافظ الفورماشن بتاع كل الفرق و اسماء اللاعبين, و طبعا يطلع اراءه الحكيمه في مدح و ذم و تعديل خطط المدربين , يتحرق دمه لما فريقه ما يجيبش جون و يسب و يلعن في الحكم و اللاعبين و اللي قاعدين جنبه و نقاشات لا تنتهي عن الكره

الناس بقت مغيبه, و ييجي بعد كده يقولك حال البلد بايظه علل؟

يقولك انا هقاطع الانتخابات و هو لا عنده بطاقه انتخابيه و لا عمره راح ينتخب, و يمكن ما يعرفش المكان اللي المفروض ينتخب فيه فين او مين اللي مترشح

يقولك انا هقاطع البضايع الامريكيه و الدينماركيه و هو اساسا معهوش تمنها و تلاقيه المسكين مش عارف ان مصر بتاخد معونه من امريكا

الناس مغيبه, ما تعرفش حاجه عن السياسه, و كل واحد عامل نفسه علامه في الدين و قاعد يفتي و ييجي يقولك البلد بايظه

"و من اعمالهم سلط عليهم"

"إن الله لا يغير ما بقوم حتى يغيروا ما بأنفسهم"

علي ابن ابي طالب رضي الله عنه لما تولى الخلافه قال للناس "كنا نحن فكان فينا أبو بكر و عمر, و كنتم أنتم فكنت أنا فيكم" و ده معناه من اﻷخر ﻷي واحد يحاول بعد كده يقول البلد بايظه و الناس بقت وحشه يبص لنفسه اﻷول و بعدين يتكلم على غيره

انتهت

إلى اللقاء

بكت عيني و فاضت بالدمع من هذا الابتلاء

فقلت يا عين لا تبكي..ما عاد ينفع البكاء

فالروح ما بقيت, و ما يعيدها إنشاد و لا غناء

عادت الروح لربها .. و ما بقي إلا الوعاء

جسد بلا روح...مصيره الفناء

بارد كالثلج, صلب كالصخر .. لا يسمع النداء

قبله دامعة, لوجه سمته الصفاء

و مال فؤادي يشعر بالخواء

يا ليتني أجد لقلبي دواء

أيكفي أن أنظر إلى السماء

أ و هل يرى قلبي فيها له عزاء

أسأشعر بالروح المليئه بالنقاء

أسيشعر جسدي بها .. مع كل قطره ماء

كفتني رؤيتها في الحلم..محاطه بالضياء

قلت يا حلم..لا أريد لك انتهاء

فقال الحلم: ليس بعد البدايه إلا الإنتهاء

و توقفت النساء عن العويل و العواء

و ما بقي إلا اﻷحفاد و اﻷبناء

يدعون للروح في كل صباح و مساء

يدعون أن تنال حسن الجزاء

إلهي أعنا علي الوفاء, و أعد الجميع سعداء

و يا جدتي, في الجنة موعدنا .. و عند الحوض اللقاء

Tribute to the one I love the most.....

I love your face.....I love your smile
I love your serenity....I love your style
I love it when you receive me with this look
when did you get back you bloke?
without you I'm lonely..you know I love you only
I've seen you laugh....I've seen you cry
oh please, give life one more try
I miss your kiss.....I miss your hug
I used to stick on you like a bug
you were always nice to me
you were the only one who could understand me
I was your electrician .... I was your technician
you were my safety ... you were my protection
you were the second to hold me
but the first to really know me
seeing you like this made me cry
oh Nana please, please don't die
I feel down....I feel sad
being helpless just makes me mad
without you there is no feast
tell me, who is gonna kill the beast
lots of memories I can't forget
carved deep down in my chest
I miss your juice..I miss your sweets
I just miss your angel face
one mind in two bodies..our talks never varies
oh please god..make her heal
make her health strong as steel
she is our connector..she is our link
she is the one that makes the family blinks
oh please god accept my prayers
oh please no...I don't like tears
*****

ادعوا لجدتي بالشفاء